224. Տրված խմբերի բառերի տարբերությունը բացատրի՛ր: Ինչո՞ւ են դրանք անվանում ածականի համեմատության աստիճաններ:
Ա. Քաղցր, աղի, կծու, դառը, մեծ, երկար, բարձր:
Բ. Ավելի քաղցր, ավելի աղի, ավելի կծու, ավելի դառը, ավելի մեծ, ավելի երկար, ավելի բարձր:
Գ. Ամենից քաղցր, ամենից աղի, ամենից կծու, ամենից դառը, ամենից մեծ, ամենից երկար, ամենից բարձր:
Նրանց անվանում են ածականի համեմատության աստիճաններ, որովհետև ավելացել են ավելի և ամենից բառերը։
225. Տրված բառերի (գերադրական աստիճանի ածականների) հոմանիշ ձևերը գրի՛ր:
Օրինակ՝
ամենից լավ – ամենալավ, լավագույն
ամենամեծ – ամենից մեծ, մեծագույն
փոքրագույն- ամենափոքր, ամենից փոքր
Ամենավատ, գեղեցկագույն, բարձրագույն, ամենաազնիվ, ամենից հզոր, ամենից ահեղ, համեստագույն, ամենահին, ամենից ծանր, ամենալուրջ, ամենից խոշոր:
Ամենավատ – ամենից վատ, վատագույն։
Գեղեցկագույն – ամենից գեղեցիկ, գունավոր։
Բարձրագույն – ամենից բարձր։
Ամենաազնիվ – ամենից ազնիվ, ազնվազարմ։
Ամենից հզոր – ամենահզոր, հզորագույն։
Ամենից ահեղ – ամենաահեղ։
Համեստագույն – ամենից համեստ։
Ամենահին – ամենից հին, հինավուրց։
Ամենից ծանր – ամենածանր, ծանրակշիռ։
Ամենալուրջ – ամենից լուրջ, լրջագույն։
Ամենից խոշոր – ամենախոշոր, խոշորացույց։
226. Նախադասությունն այնպես ձևափոխի՛ր, որ միտքը չփոխվի։
Օրինակ՝
Մառախուղի կաթիլները միլիոն անգամ ավելի փոքր են, քան անձրևի կաթիլները: – Մառախուղի կաթիլներն անձրևի կաթիլներից միլիոն անգամ փոքր են:
Աղի ջուրն ավելի ծանր է, քան սառույցը, այդ պատճառով էլ սառույցը չի սուզվում:
Սառույցը ավելի թեթև է քան աղի ջուրն, այդ պատճառով էլ սառույցը չի սուզվում:
Ծովային փոքր, բայց թունավոր կենդանիներն ավելի վտանգավոր են, քան շնաձկները:
Շնաձկերը ավելի անվտանգ են, քան ծովային փոքր, բայց թունավոր կենդանիներն։
Բանավոր խոսքն ավելի մեծ հնարավորություն ունի վերաբերմունք արտահայտելու, քան գրավորը:
Ավելի մեծ հնարավորություն ունի բանավոր խոսքը վերաբերմունք արտահայտելու համար, քան գրավորը։
Նավաստիների կիրառած թունավոր նյութերը, վառ գույներն ու ուլտրաձայնը շնաձկների համար պակաս սարսափելի են, քան ժամանակակից աղմկոտ երաժշտությունը:
Շնաձկների համար, նավաստիների կիրառած թունավոր նյութերը, վառ գույներն ու ուլտրաձայնը պակաս սարսափելի են, քան ժամանակակից աղմկոտ երաժշտությունը:
Ածականը ցույց է տալիս առարկայի հատկանիշ (որպիսություն): Առարկայի հատկանիշը կարող է համեմատվել այլ առարկաների նույն հատկանիշի հետ, արտահայտել նրա առավել, պակաս լինելը կամ էլ գերազանցությունը:
Ածականի համեմատության աստիճանները կազմվում են ավելի, պակաս, քիչ, նվազ, ամենից բառերով և ամենա-, –ագույն ածանցներով:
Թվական
228. Տրված բառակապակցություններից ամեն մեկի իմաստն արտահայտի՛ր մեկ բառով: Ի՞նչ է ցույց տալիս -սուն ածանցը:
Երեք տասնյակ, չորս տասնյակ, հինգ տասնյակ, վեց տասնյակ, յոթ տասնյակ, ութ տասնյակ, ինը տասնյակ:
Երեք տասնյակ – երեսուն։
Չորս տասնյակ – քառասուն։
Հինգ տասնյակ – հիսուն։
Վեց տասնյակ – վաթսուն։
Յոթ տասնյակ – յոթանասուն։
Ութ տասնյակ – ութսուն։
Ինը տասնյակ – իննսուն։
Սունը նշանակում է տասնյակ։
229. Զննի՛ր տրված բառաշարքերը և փորձի՛ր պարզել, թե բաղադրյալ թվականներից որո՞նք կից (միասին) գրություն ունեն, և որո՞նք՝ հարադիր (աոանձին):
Ա. Տասնյոթ, քսաներեք, երեսունմեկ, քառասունվեց, հիսունչորս, վաթսունինը, յոթանասունհինգ, ութսուներկու, իննսունինը:
Բ. Հարյուր մեկ, երկու հարյուր քսանվեց, հինգ հազար վեց հարյուր երեսունյոթ, չորս միլիարդ ինը միլիոն յոթ հարյուր հազար վեց հարյուր յոթանասունյոթ և այլն:
Իննսունիննից հետո թվերը գրվում են հարադիր, իսկ իննսունիննից առաջ գրվում է կից։
230. Տրված թվականները գրի՛ր բառերով:
65, 48, 107, 93, 6087, 4321, 786
Վաթսունհինգ, քառասունութ, հարյուր յոթ, իննսուներեք, վեց հազար ութսունյոթ, չորս հազար երեք հարյուր քսանմեկ, յոթ հարյուր ութսունվեց։